Tash jam diku larg teje, larg vedi
dhe - ku me dijte kah me tresin
udhekryqet e shumta t'jetes?

Jam ba pershendetje e harrueme e kalimtareve,
jam ba lot e kange,
jam ba betim i rrugeve dhe rreze e shkrepun
maje gurit.

Tash jam diku larg teje, larg vedi
dhe - ku me dijte ku sosin
fijet e keputuna t'kesaj kange?

Jam ba pre shiqimi i syve zjarr,
jam ba bekim e name,
jam ba zog e re n'krah t'agsholeve t'bardha?

Tash jam diku larg teje, larg vedi
dhe - ku me dijte kah m'tresin
udhekryqet e shumta t'jetes?!