Shko i dashur

në duhet të shkosh,

je i lirë!

Yll e dritë u bëftë rruga jote

edhe pse dhemb

e dhemb…

Të dua!

 

Asgjë s’është jona në k’të botë

veç dashurisë

që japim, marrim dhe lëmë të lirë.

Shko i dashur,

se të dua

edhe pse dhemb,

në çdo qelizë të gjakut vuaj,

dashuria dhemb.

Ji i lirë!

 

Dhe mos thuaj do m’kërkosh sërisht!

E dimë mirë që nga ky prag,

asgjë s’është më si më parë.

Dashuria s’kërkohet, as blihet,

s’merr dot frymë në mëshirë.

Ik pra, në duhet të shkosh

një copëz qiell të dhuroj,

Lamtumirë!

Lexo/Shkruaj Komente (0)

Printo

Dergoje

Top

---