Letërsia Shqiptare

Mbretëresha para vdekjes
E merkure, 02-05-2007, 11:54am (GMT)

Valët shkumbëzojnë trishtueshëm.
Qëndrojne shkëmbinjtë e lashtë.
Mbretëresha me syrin pishë
Përshëndetet me Ilirinë.

Një sy do t'ia fali
yllit.
Sa herë do të mërzitem
Kthehem në vatrat e pafikura.

Një vesh do t'ia fali
detit,
sa herë do t'i hetoj bajlozët
farkoj shpatat e zjarrta.

Një porosi do t'ia fali
tokës,
për armiqtë e tradhtarët
barut gojës.

Mos u zgërdhi, Romë,
gruaja ilire
për çështjen e nderit
martohet me valët e detit.



Powered by SoSo News Express Pro 2.1.1
Copyright © 2005-2007 by SoSoVN.com. All rights reserved.