Këpucët veshën këmbët e zeza
të Mohamedit,
njërin sy e ka të lagur,
njërën mëngë të ngrënë,
hunda i ka ngrirë, e heq, e fut në xhep,
hunda fillon të këndojë
një melodi kurvash,
Mohamedi dëgjon
megjithëse pa vesh.
Rruga fillon të ecë,
ecin dhe këpucët
veshur këmbë të zeza
këpucëve u del bisht dhe katër këmbë.
Dikush sheh një kalë,
dikush dy këmbë të zeza,
një tjetër gjen hundën e ngrirë
duke fshikulluar me kamzhikun - pemë.