Unë skutat, shpirtit ia vështrova,
ia studiova ngadalë kaq gjatë,
në tokë i zbraza të gjithë brilantet
derisa shpirti më ngeli i thatë.

I theva portat e çava hijet,
ndërtova harta e rrugën lashë hapur.
U zgjatën engjëjt që mi njohin ëndrrat,
erdhën edhe djajtë me vesh të kalbur.

E derdha shpirtin në një fletë,
këtë shpirt që e rrita me duart e mia,
e kapa për fyti dhe e gozhdova mbi letër:
Masaker a lavdi
Flatra të reja do të lindin, e dija!

Lexo/Shkruaj Komente (0)

Printo

Dergoje

Top

---