Salla e madhe kujtimet e princit përtypë
Karriget si arkivole mrizojnë në gjysmëdritë
Gjysmëterri zbret galerisë poshtë
Ku qirinjtë vuajnë dënimin përjetë
Sa shumë gjumë ka në krevatin e princit
Erë seksi ka mbetur sall për masturbim
Janë ca dilema si jargë merimange
Udhërrëfyesit e vetëm për vizitorët daltonistë
Ku ta gjej Shekspirin në këtë mjegull daneze
Mes këtyre artistëve të shumtë travestitë
Si ta sjell në Kullën e Oso Kukës të mjerin
Të dehet me raki rrushi të vjetër pesëqind vjet.

Kopenhagën, nëntor 2002

Lexo/Shkruaj Komente (0)

Printo

Dergoje

Top

---