(Dëshmorit Gafurr Luma)

Më prit në oborr të shkollës
Asnjë fjalë mos ma thuaj hesht
Vetëm ballin le shpaluar
Të ta lexoj ëndrrën që s’vdes

Kafeja është ftohur në “Kështjellë”
Është thyer edhe filxhani i saj
Kohë e gjatë është arnuar me plagë
Tash kudo që preku më dhemb

Mbaju he burrë në këtë mal me sy
Kam frikë kush mund të të marrë mësysh
Dritaret e shkollës të bëjnë dritë përmbi
Ka shumë diell këtu ka edhe shumë fëmijë

Bëjmë lum o Lumë që të kemi
Që s’do ta kalosh më kufirin ilegalisht
S’do t’i lidhin më duart me pranga
Të pastë hije jeta në këtë bust o mik

Glloboçicë, maj 2002

Lexo/Shkruaj Komente (0)

Printo

Dergoje

Top

---