Veje kokën në gjoksin tim dhe pusho
Harro dhembjen qetëso zemrën dhe beso
Beso njëherë se në jetë ka lumturi
Dëshirëplotë mbahu dhe qëndro në qetësi

Veje kokën në gjoksin tim dhe ëndërro
Belkëputur brezëhumbur më pushto
fluturo dhe dallgëzohu në lumturi
Agullohu vegullohu rrëshqit në zemër me qetësi

Veje kokën në gjoksin tim më shtrëngo
Aureolë vullkani ku zjarri vlon me ashpërsi
Shtrëngohu fort mbahu dhe qëndro gjer në mbarësi
Deri sa gjiri qumësht të pikoj

1994

Begzad Baliu, Grua e dashuruar (poezi)
Shenjëzat, Prishtinë
1996, 2000

Lexo/Shkruaj Komente (0)

Printo

Dergoje

Top

---