Në një natë të virgjër, t'nemur me fjalë!
Vitet e një jete, rendin me ngadalë.
Kujtimet krahëthyer, në mure  burgu,
Pika e lotit, digjet n'jetën prej murgu.
 
Yjet e një qielli me hën' të mplakur;
Anës një lumi me brigje të përgjakur,
Peshë e urrejtjes, nën thundër durimi,
Vjen si re e zezë, me rrufe dëshpërimi!
 
Ditët vijnë e rendin me stinët e motit,
Shiu i vjeshtes, si kristalet e lotit,
Vullnet i plagosur, si ëndërr trishtimi,
Agu sjell mëngjese, sjell shpresa lirimi!
 
Pas pesë vitesh e pas pesë plagësh,
Sërish nxeh zemra, me furi idealesh.
N'rrasë të Koshares, në rreze të Kosovës,
Remzi Xhaferi me krahë të Shqiponjës!
 
N'rrafsh të Dukagjinit vapë e Qërshorit,
Ngritet në legjendë, gjaku i dëshmorit.
Plumbave të shkrepur kur u buzëqeshte liria,
Trimit t'Haraçinës i ngritej lavdia.