Kanë shteruar gurrat e mendimit
Thatësi e fjalës
U terën vargjet
Alfabeti i ikjeve po digjet mallit
Verës pa varg
Metafora e pikëllimit
I shtrydh dhembjet e udhëve
As pikë për lot s’ka mbetur
Për t’ia freskuar ballin
As kokërr djerse nuk gjen
Për t’ia shtrydhur zjarrin
Vetëm shkrumb
Në muzën e përvëluar të mendimit
Shkurt 2004
Nga libri: Degë e thyer, botoi “Metafora”, Prizren, 2007
Lexo/Shkruaj Komente (0)
Printo
Dergoje
Top
