PIPAT E FJALËS
E premte, 21-12-2007, 05:12pm (GMT)
Pipëzojnë ato sytheve të etjes
Blerojnë lisat e vargjeve
Dhembjet harbojnë vargut
Stinëve pa arbitër
Bryma e ikjeve i zvetënon
Pika loti lëngojnë vargut
Vapës së mallit
Me pesticidin e etjes i spërkas
Për mbrojtje nga moti i lig i udhëve
Prapë stinëve të mallit zbresin
Pipëzojnë ato truallit të dhembjes
Lëshojnë gjethe fjalës
E bëhen varg
Dhjetor, 2003
Nga libri: Degë e thyer, botoi “Metafora”, Prizren, 2007
|
Lexo/Shkruaj Komente (0)
Printo
Dergoje
Top
