FATE E NJERËZ
E premte, 21-12-2007, 05:20pm (GMT)
Na polli koha udhë e u ndamë në dysh
Gjeografi e harta i blemë ardhmërisë
Trastës që e qepëm nga lëkura jonë
E grushtin me dhe nga dheu i atdheut
Luleferrën e mbollëm në oborr
Pragun e shtëpisë nën një merimangë
Të na i ruajë ëndrrat nga dyzet hajdutët
Apo nga barbari mbi kokë të atdheut
Mashtrimit udhëve shpresat i thurëm
Fajësia jonë na mbyti lakmia
Dhe udhëve tona për një lamtumirë
E këtij udhëtimi, një fund dhe harrimi
Buchs, 13.9.2000
Nga libri: Degë e thyer, botoi “Metafora”, Prizren, 2007
|
Lexo/Shkruaj Komente (0)
Printo
Dergoje
Top
