Me ju kur sheshoj flas me historinë
Shpalos të kaluarën ardhjet të ushqehen
Mbretërisë suaj ideali prin
Të sotmes së ardhme rrezet i shkëlqehen
Shkëndijë e dritës më prin në guxim
Me atë fanar m’i ndriçon trimërisë
Është një ideal që nuk do kthim
Liri e atdheut dritë e ardhmërisë
Një shkëndijë prej stralli ndizet para jush
M’i flet historisë tash njëqind e njëzet e pesë vjet
Flakadanin ndezur s’ma shuan askush
Është dritë për breza flaka e lirisë
Me zjarrin e ndezur që s’e shuaj kurrë
Atdheut i këndoj me prushin e etjes
Lirisë i këndoj legjendat e trimave
Flakadani Juaj dritë e së ardhmes

Prizren, qershor 2003

Nga libri: Degë e thyer, botoi “Metafora”, Prizren, 2007