Ajo nguli gishtërinjtë në javën e fundit të tokës
si shtatë kalemet e mbetura të Sofokliut.
Pastaj
la dorëshkrimin e rëndësisë së dheut mbi të vdekurin
dhe fshiu të gjithë kufijtë në hartën e dashurisë.

Antigona
për të qeshurën e shkyer të së vëllait
mbushi bulçinjtë me vdekje
dhe pa derte
me jetën e saj pështyu mbretin Kreon në fytyrë.

E kujt i duhet jeta
kur ajo vetë brenda njeriut është e pajetë!

Lexo/Shkruaj Komente (0)

Printo

Dergoje

Top

---