Kur të mendoni se nuk jam në shtëpi
Shtyjeni derën time
Sepse atë do ta lë gjithmonë hapur
Që të hyni pa vështirësi
Në dhomën time të pritjes

Kur të çlodheni e të freskoheni
Aty e gjeni shpirtin frymën e zërin tim

Mos u trembeni nga trokëllima e dritares
Sepse jam unë që hy e dal sa herë dua
Nga klithmat e gëzimet tuaja

Kur nuk më gjeni askund
Hyni në vargjet e mia
Sepse derën e keni të hapur

Nga përmbledhja “Fjalë e plagë”, Gjakovë, 2007

Lexo/Shkruaj Komente (0)

Printo

Dergoje

Top

---