Atje n’at vend të lamun
Me gjak t’Arbnorit t’dlirë;
Atje nji djalë âsht vramun
Atje mbet nji Ilirë.

Atje n’at vend barbari
E njofti mirë djelmnín;
Atje rrëfei Shqiptari
Sá shtrêjt e blén lirín.

Atje Shqypja luftovi
Trimnisht me zogjt e vet;
Atje nji zâ ushtovi:
“Në zjarm, se nji na mbet!”

Ai vend nuk do t’harrohet
I gjall’ do t’jét për né;
Mbas tashit do t’emnohet:
“Nji çerdhe e Shqipes s’ré”.

[1] Ketë vjershë auktori i a pa qitë shoqit të vet t’idealit Zef Harapit, i cili rá deshmuer i atdheut ndër kodrat e Rrashbullit afër Durrsit tue luftuemun për lirí me 15 Gusht 1912.

Lexo/Shkruaj Komente (0)

Printo

Dergoje

Top

---