Tre dimra jam larguar,
u ktheva te ky prak,
sikur pas tridhjete vjetesh
po kthehem ne Itake.

Une s'jam Odhiseu,
qe u nisa per Helenen.
Atje te Lindje e Largme
si arme pata penen.

Kur shkova atje larg
tek vendi qe e doja,
shpesh lutesha me vehte
mos binte posi Troja...

Njeqind sirena njeheresh
ndieja ne tym e dallge,
po une si Odhiseja
kisha vec nje Itake!

Me gurin tend nen koke,
me balten tende ne gji,
sikur pas tridhjete vjetesh
po kthehem, Shqiperi...

Larg teje i deshiruar,
o moj e shtrenjta toke,
sa kripe e dallges tende
me doli permbi floke.