Do t’marr një maskë, për sonte!
Një maskë të vërtetë
Me flokë të zinj
Do t’vishem si burrë, për sonte!
Do t’sillem si burrë
Me seksin tim
~~~~~~~~~~~~~~~
Do të bredh natën bareve
Të pi por mos të mbidehem
Të kap meshkujt për beli
Me dhunë!
Të rrëmbej psherëtimat
Që t’i përthith, me shkumë
Deri në pikën e fundit
Në banjot e Bllokut
Ku kundërmon veç erë
Dhe ka radhë duke u shtyrë
Radhë për t’u parë në pasqyrë
Ndërsa unë me zor shurroj
Ata qeshin, të ndyrë
~~~~~~~~~~~~~~~~~
Eh, dhe ato qeshin nën pudër
Se kanë gjithmonë maska
Të vërteta mishi
Të të gjitha racave
Të të gjitha kombësive
Dhe unë i shoh poshtë syve
~~~~~~~~~~~~~~~~~~
Dhe unë i kam frikë maskat
Por nga frika s’kam vdekur
Si thua? Ç’kam mbetur?
Lexo/Shkruaj Komente (0)
Printo
Dergoje
Top
