Tepelenë Tepelenë
sa krime të llahtarshme nën muret e tua
kala e mallkueme!

e kobshme
me. ato gurë të gdhendun
me gjak e djersë mundimesh
me ato mure t'errta
të mynxyrta
siç e mynxyrtë asht historia jote
lindun prej gurëve
ndërtue me gurë
sundon mbi gurët
sundon mbi terrorin
që këtu e ka strofkën makabre
kala e mallkueme!

pse këta njerëz kaq të pafajshëm                            
kaq të pambrojtun
kaq të mjerë
nën hijen tande shtypëse?

shiko sa vorre të gërmueme
shiko sa kryqe të drujta            
shiko sa rrasa të gurta 
shiko sa nana të dëshpërueme
shiko sa baballarë të trishtë
sa ankth sa tmerr
kala e mallkueme!
e keqja lind prej së keqes
terrori prej terrorit
tirania prej tiranisë
ti
kala e mallkueme
prej një shpirti të mallkuem!
e furishme era
me vrull të papërmbajtun bren e grryen
ato mure mizore
dhe mizor
të urrejtun
emnin tand përhap kudo
kala e mallkueme!

Lexo/Shkruaj Komente (0)

Printo

Dergoje

Top

---