Në vendin e vendosjeve të vogla
Pak para darkës së madhe
Dardhat dikush tinëz i ka ngrënë
Asnjë dardhë të paprekur
Për be nuk e paska lënë
E shporta e madhe e dardhave
Mbetur paska si varr faraonësh
Plot lëvore e bishta e fara
Tash të gjithë mund të dyshojnë
Që dardha bishtin prapa e ka
Pas darkës plot mish e raki
Të gjithë do ta harrojnë saktë
Vendin e bishtit të dardhës
Asaj peme me të dyshimtin bisht
Që fjala e urtë ia prish egërsinë
E punët e rënda i sjell në gisht