Në gjumin e parë asnjë simbol shprese
Asnjë gjallesë as frymë as lëvizshmëri
Asnjë shenjë jete si pikë e parë treguese
E kush mund të thotë guximshëm
Se mund të hyhet në ëndërr aq lehtë
Kur asnjë pasqyrë besnike e fatit
Udhën e drejtë të jetës nuk tregon
Vetëm Frojdi ka pasur ëndërr të mirë
Për ta kuptuar botën e vërtetë të njeriut
Tash ti Frojd futu thellë në botën tonë
Në botën e brendshme njerëzore
Dhe na e trego lajmin e bukur të lirisë
Të asaj ardhjeje të pritur të domosdoshme
Futu trimërisht dhe tregona shpejt
Fatin tonë të prerë e të paprerë
Atë ëndrrën tënde të madhe të jetës
Lexo/Shkruaj Komente (0)
Printo
Dergoje
Top
