Kur të takohem me Embetën
Kosova do të jetë e larë në liri
Nuk do t’i tregoj asgjë për ndarjen
Asgjë për mërzinë s’do t’i them
Ani pse për asnjë grimcë
Të kohës së ndarë në sekonda
Nga mendja nuk më është shqitur
Do ta puth gjithë jetën e saj pesëvjeçe
Pastaj fort do ta puth dhe nënën e saj
Dhe prapë Embetën
E do t’ia shpjegoj kënaqshëm
Kuptimin e emrit të saj
Kosova do të jetë e larë në liri
Kur të takohem me Embetën