ëndrra lahet në lavaman
ankthi i natës derdhet në banjë
s’di për të satën herë
plas zgjimin në pasqyrë
mbështjell lakuriqsinë
e trutë e mpirë
mvesh me moral
s’di për të satën herë
dita çpon terrin tim.

bën vapë
shoh filma me kartonë
sa të më qepen sytë
lodhem duke ndenjur shtrirë
dielli djeg ditën jashtë
mendimet si bukë e paardhur mirë
ripërtyp si lopë
më vrasin në stomak
sa shumë bën vapë
po ëndrrat s’piqen
prap se prap…

Lexo/Shkruaj Komente (0)

Printo

Dergoje

Top

---