Shumëçka duhet ti themi njeri tjetrit
Pa ulur shikimet, pa aktruar lajthitje
Aty mund të ftohet supa , si zakonisht darkave të marrisë
Dhe mund të dëshirohet fuqishëm
Një tërmet shpëtimtar
O një ndalje rryme
Që gjithmonë ndodh kur s’e dëshiron
Aty…mbase s’duhet të ndodhë asgjë
Por ja që heshtja therr më shumë
Dy kokat tona të papërmirësuara
Që çudi si kanë bërë bashkë kaq kohë
Dhe prapë heshtja ulurin dhe shan
E ne
Diç më vonë do biem në shtrat
E do bëjmë dashuri si të marrë,
(gjithçka e jona është e marrë)
deri në mëngjes
atëherë kur s’do ketë mbetur asgjë
nga kujtimet e darkës së marrisë