Më dhimbsesh të të zgjoj në mëngjes
Dhe puthjen e bëj lehtë
Ka shumë qetësi kjo dhomë e shkaravitur
Rrobet e shkapërderdhura
Me krahë fluture i mbledh
Ëndrrat e agimit nuk duan ndërhyrje
Dhe trupi yt i lodhur nuk don zgjuarje
Kafenë e ke në shtrat e ti vazhdon të flesh
Nga nata e gjatë që zgjoi lakminë e yjeve
E shtëpinë e ngrejti pezull nga themelet
Mbaroi më ëndrrat e agimit, i dashur
Se kalon në ëndrrën e ditës, me mua