Dua të ju ndjej fuqishëm
Në palcën e shpirtit të copëtuar
Ty nënë, që dhembjet tona i pate në sy
Lotin mbaje fshehur pas zënkave të përnatshme
Kemi qarë sa herë në dhoma të ndara, për njera tjetrën
Shikimet nuk ka këmbyen dashuri
Ty baba, që thinjat e flokëve
Nga unë i pate më shumë se nga vitet
Për përqafimin tënd të fuqishëm që më bën
Atë përqafim që ta shoh vetëm në një fotografi bardhë e zi
Të vjetër sa gjysma e viteve tua
Dhe ty dashuri
Që të enda pamëshirshëm
Si një kukull e stolisur, e xhelozuar, e sunduar
Stacioneve të gabuara
Dua të ju ndjej fuqishëm
Prandaj…më duhet të ju braktis