Është një cohë- pëlhurë e shenjtë,
Fushë e kuqe- shkabë e zezë,
Është i lashtë sa Skënderbeu,
I këtij qielli i këtij dheu
Ky FLAMUR!

 

Djep' i tij është në Krujë
Ku qe zot dhe Kryetrimi,
Aty u ngrit dhe mori famë
Ky simbol- kjo shenjë me nam
Ky FLAMUR!

 

U qëndroi rrebesh furtunash
I pamposhtur asnjëherë,
Shumë njerëz trima ranë dhe fli
I frymëzoi për liri
Ky FLAMUR!

 

Dhe kur erdhi Ditë e Madhe
Kryelartë u ngrit në Vlorë,
Nga Ismaili- Plak i Ri
Nga Isaja me shokë të tij
Ky FLAMUR!

 

Kush është trim dhe bir shqiptari
Si në Kosovë e në Çamëri,
Si në tonën Nënë Shqipëri
I bën nder i jep fuqi
Ky FLAMUR KUQEZI!

 

(1996)

Lexo/Shkruaj Komente (1)

Printo

Dergoje

Top

---