Më 13 tetor 1448 Ti shpejton kah Prishtina.
(Hyre nëpër Grykën e Kaçanikut,
Kalërove Udhës së Tatarëve
Apo Fushës së Blertë të Dukës së Gjinajve?!

1448. Vit i Madh. Sa shekulli!
Skenderbe, i famshmi Skenderbe
Vazhdimisht mban vapë.
Nxehtë...

Skënderbe, i famshmi Skënderbe!
Barbarët e Stepave të vunë kurthe, prita.
Medet! U bë vonë! Ushtria aleate u thy'!
Fushë Kosovës iu vra dielli n’sy.
Fusha e Plagosur s’merr frymë.
Nën dritën e gjysmëhënës shpata e gjhakosur
Në dorën tënde trishtueshëm ndrin.

Terr. Natë. Shkret.
Ti vjen në kasabanë e Prishtinës
Më 14 tetor 1448.