1
Ora e vjetër «Seiko» maste kohën
Deri te dyert e Hadit
Dhe të zemrës tënde.

2
Kurrë nuk gaboje.
Në fletgarancionet e «Huas popullore»
Kishe investuar një shpresë
Mjerisht vetëm ajo kishte mbetur
Në fundin e kutisë së jetës sate.

3
Pankarta thërriste: «Bukë më shumë për fëmijët»
Punëtorët ishin rrebeluar
«Ramiz Sadiku» ishte në grevë
Në shtëpi erdhe i zverdhur dhe i buzëqeshur
Me pankartën nën sqetull.

4
Xhami i ftohtë i spitalit të verdhë si bisturi
Na e preu në mes përqafimin dhe jetërat
Për çdo ditë na dhuronte memecllëkun e sëmundjes.
Ah!Dy lot në faqet e tua babë!
Zjarr mbi sëmundjet e botës.
Atëherë pashë tragjedinë e jetës sonë
Pa verifikim dokumenti.

5
Ora e vjetër «Seiko» matë kohën
Deri te dyert e Hadit
Dhe të zemrës sime.

1980

Lexo/Shkruaj Komente (0)

Printo

Dergoje

Top

---