Nëse them e bukur është jeta,
Mes ideve të mia hyn tinëzisht poezia, e bukur si asnjëherë
E veshur me një vello vajzëri, me sy të përmallshëm,
Buzë të fryra dhe një të kuqë epshor,
Epshore sa nuk bëhet më
Duar të buta e përqafim përrallor             
E bukur është jeta, thonë me krenari metaforat
Edhe kur ka dhembje
Edhe kur vajet e kaplojnë
Kur qielli shkrihet në vaj
E t'i ushqesh me lot e më Mall, mëngjes e mbrëmje
E bukur është jeta
Edhe kur shpirti t’mbushet gëzim, fluturon në qiellin e shtatë
E bukur është jeta,
Edhe atëherë kur tërmetet shpirtin ta copëtojnë
Kur të tretet dashuria rrugëve të paemër

E të shuhet Ylberi n’duar, kur ti shkrehesh e shkrehesh e shkrehesh në vajë e pikëllim
E bukur është jeta
(e sa shumë më duhet të besoj në dashuri e të besoj n’përjetësi e n’poezi)
Art - mozaik lumturish
Ylber qiellor vizatuar me miliona ngjyra
Çdo mëngjes e mbrëmje gotën e verës cakërroj me qiellin
Me dallëndyshen bashkudhëtoj
Shtigjeve të jetës Pemën e Lumturisë kërkoj
E bukur është jeta
Pikëllimin s'e dua
As kur errësohet qielli dhe bebëzat tua ujisin faqet
E dua natyrën
Miliona bukuri
E dua qiellin plot' me fantazi
E dua jetën përplot dashuri,
Gjitha së bashku krijojnë poezi
E bukur është jeta
Edhe ku ka gazë, dhembje e lot
Kurrë mos u shfre në vaj, gëzimin mos e ndalo
Mos u mbyt në lot
As Gëzimin mos e lëndo
Dashurinë mos e shkatërro
Me gëzim jetën jeto

Lexo/Shkruaj Komente (0)

Printo

Dergoje

Top

---