Zot, kur kam urí,
më nep ndokend qi ka nevojë me u ushqye;

kur kam etje,
më dërgo ndokend qi ka nevojë me pi;

kur kam të ftoftë,
me dërgo ndokend me e ngrofë;

kur kam nji keqardhje,
më dhuro ndokend me ngushllue;

kur kryqi i jem bâhet i rânde,
më bân me da kryqin e nji tjetrit;

kur jam i vorfen,
më udhëhiq te ndonji nevojtar;

kur nuk kam kohë,
më nep ndokend me ndihmue per do çaste;

kur jam i fyem,
bân qi un me pâsë dikend me levdue;

kur jam i ligshtuem,
më dërgo ndokend me i dhânë zemer;

kur kam nevojë per mirkuptimin e tjerve,
më nep ndokend qi ka nevojë per têmin;

kur kam nevojë qi te kujdesen per mue,
më dërgo ndokend per të cilin me u kujdesë;

kur mendoj vetem per vedi,
terhiq vemêndjen tême mbi nji tjeter njerí.