Arithmetikë e mundur!
E enjte, 01-11-2007, 07:22pm (GMT)
Sado e paanë
Arithmetika të jetë
Dashurinë time për Ty
Nuk e tejshkon dot
Këtë polen në krah fluture
Vesë agu mbi fletë
Numrat rrjedhin sfidues
Zerot kanosshëm shtohen
Por një çast
Dhe Arkimed
E Ajnshtajn
Flamurin e bardhë ngrejnë
E dorzohen
Ja, mbarojnë tani numrat
Zerot lodhen, këputen
E bien të prera cung
Veç dashuria ime
Përtej vete hirshëm
E pamatshme
E pafund!
Berlin, pranverë, 2005
|
Lexo/Shkruaj Komente (0)
Printo
Dergoje
Top
