Letërsia Shqiptare

Kush e di se ç’është Demokracia?
E shtune, 08-03-2008, 12:03am (GMT)

Ç’do të thotë Demokraci?
Liri Demokraci!  Liri Demokraci!

Kush është babai i Demokracisë?
Ciklopi mbi kalin prej shkëmbi!
Xhuxhi me tre “Vampirët Krraba”!

Kush është shpirti i Demokracisë?
Liri Demokraci! Fqinju im pa çati!

Kush e ka cituar teorinë e Demokracisë?
Ciklopi në shpellën e tij antike !
Xhuxhi në bunkerin e tij të hipnotizuar !

Kush e ka lexuar teorinë e Komunizmit?
Biri im, në filan vepër të Marksit.

Kush e ka lexuar teorinë e Demokracisë?
Ku janë –zoti poet—veprat teorike?
Se mos na i propozuan udhëheqësit tanë
dhe ne nuk i lexuam?

Kush e di se ç’do të thotë Demokraci?
Liri Demokraci!  Liri Demokraci !
Fqinji im pa çati!



Powered by SoSo News Express Pro 2.1.1
Copyright © 2005-2007 by SoSoVN.com. All rights reserved.