Të nderuar qytetarë elbasanas!
Unë, efendiu juaj i ri, po ju shpall inventarin
demokratik të qytetit tonë me famë kulturore
për vitin që kaloi:

Me tepricë.
Bilbila me sqep stalinist.
Intelektualë të tipit “ A la Perstrojka”.
Intelektualë me biçikletë kineze.
Demokratë të flaktë me kapele floriri.
Demokratë indiferentë me gjak europian. 
Sakatë mbi gjashtëdhjetë vjeç.
Kore demokratike dymbëdhjetëvjeçarësh.
Fermerë e studentë me hartën europiane në gji.
Fatëthënëset e emigracionit “Donkishotian”.
Prindër ballkanikë me bijtë europianë.
Trashëgimënitë kulturore të flakura në harresë.
Kometat natyrore industriale,
 si dhe tre vampirët, “Krraba”.*

Me pakicë.

Kinematë e Teatrot.
Besimtarët e mitrës së tokës shqiptare.
Cipa dhe përgjegjësia kombëtare.

Inegzistentë.

Idhulli teorik i demokracisë shqiptare.
Gjimnazi i demokracisë shqiptare.
Muzeumi historik.

Gëzuar Vitin e Ri 1997. 
 

ELBASAN: 1997

* Korrupsion, Kriminalitet dhe Kontrabandë.