të kam treguar për sendet e bardha

për leshërat e plakave

si jo

për sendet që nuk u ngjajnë fletëve të poezive

për sendet e bardha si bora të kam treguar

për automatikët e tre musketirëve

për thonjtë e gjatë të kam shkruar

për urat e hekurta luhatëse

për pianon

për mbrëmjen e bardhë

nuk mundem

për të gjitha nuk mundem

më fal

për filmin «Der Club der toten Dichter» s’të kam folur

për vetvrasjet

pianoja e bardhë në terr

a e di

kam gjetur një lepur të bardhë

nën një çadër të bardhë

a e di

nuk të kam folur për këtë

për këtë send të bardhë…