Letërsia Shqiptare

NË NDËRRIM MOTESH
E hene, 19-11-2007, 08:11pm (GMT)

Larg më je sonte
më je afër sonte
nënë
ndërrim motesh
presim

shihemi në ëndërr
diellin e kemi në sy
ngrisim gotat plot dashuri
e rrokemi ngrykë
i cakërrojmë
g ë z u a r...

Në ndërrim motesh
bie shi
nënë
e shihemi
e s'shihemi
re të zeza na kalojnë përmbi

e hajt gëzuar nënë
diellin ta varim në çati

e jemi larg
e jemi afër
nënë
në ndërrim motesh
na dridhet buza
nga vaji
i shtërngojmë dhembjet në zemër
ngrisim dolli
g ë z u a r



Powered by SoSo News Express Pro 2.1.1
Copyright © 2005-2007 by SoSoVN.com. All rights reserved.