NË KURBET 1.
E hene, 19-11-2007, 08:15pm (GMT)
Si i varuri në litar
para ekzekutimit
që pret t'i heqet trekëmbëshi
nën këmbë
pa atdheun pranë
të mbahet për te
të jetë i fortë
me diellin larg prapa reve
pa rrezen e tij
që ta shërojë shpirtin
në kurbet jeta pezull
mes tokës e diellit
pa qëndresë pa dritë
në ankth në erë
shpirti peng përherë.
©Rizah Sheqiri
|
Lexo/Shkruaj Komente (0)
Printo
Dergoje
Top
