Rrustem G e c i – poezi promemoriale

Kryengritësit, Tahir Meha

Ka ndal dielli mbi Prekaz
E ka vu buzën në gaz
Kot provoni n´Drenicë me hy
Tahir Meha vëzhgon n´dylbi

Vjen ushtria varg e vijë
Vjen me tanke e milici
Duan Tahirin gjallë me lidh
Krejta hyrjet i kanë mbyll

Tahir Meha një dardaniot
Pushka ime s´flet veç sot
Plumbi i parë vret një Dodek
S´jepet kulla unë pa vdekë

Plumbi dytë vret një Millan
Vetë më hyri ai qen nishan
Pikë e gjakut ku ka ra
Pemë e tokës kurrë s´është tha

Nebih Meha thërret, Tahir
Të  lumtë  dora   o  im bir
Vret  Tahiri  dyzet  armiq
Na në luftë nuk jemitë liq

       Ka  dalë  dielli   mbi  Prekaz
       Tahir Meha po qesh  me gaz
       Babë e bir ngrehin një këngë
       Babë  e  bir vrasin një gjëmë

       Të   lumtë   zemra   o  azgan
       Kështu  luftohet   për  vatan
       Ndal  o  serb   o  serbomadh
       Kthehu prapa  nga  ke ardhë

       Qysh   kur   ishte   pellazgjia
       Une jam(këtu) n´tokat e mia
       Tahir Meha  pushkën mbush
       Zjarri e do të ketë pak  prush!..

      Rrustem Geci - Dortmund

Lexo/Shkruaj Komente (0)

Printo

Dergoje

Top

---