A se kuptoni se porsi aisbergët
pa koordinata po ecim,
kuturu...
pajisur me një liri të rastësishme
që nuk e gjetëm
po erdh na gjet këtu.

Se porsi aisbergët jemi
dhe po na shihet vetëm dhjetë për qind,
ç’u desh të shihej
mbeti brënda ujit
si brenda pengut mbeti
çfarë s’u lind.

Kalojmë rrëshqitas
herë herë edhe përplasshëm
e çdo përplasje na vret ose na ndan
të ndarët
s’ qenka ndarje e zakonshme
të ndarët
soll fëmijët tanë.

Që porsi ne qëlluan pa adresë
pa koordinata ecin
kuturu
me një liri fituar rastësisht,
që qëllimisht
mos u përdortë kështu.

Lexo/Shkruaj Komente (0)

Printo

Dergoje

Top

---