Kam një sy që zap duhet bërë
i etur për skandale sysh,
kurioz
kam një sy që puthet me të tërë...
mos!!

I aftë në absorvime
shfrenueshëm më përcjell
vibrimet që i kap aty- këtu,
në kaq materiale
ndjesore a komerciale
shtyn kohën perëndia rrumbullake "tru".

Shpesh më qetëson
e në telajën e jetë-zezës hedh tone radikale,
me truke e mirazhe mi neutralizon
dhe skenat më banale.
Kam një sy të madh e të fuqishëm
rrezegjërë sa një prozhektor,
kam një sy që kur më sheh t'pagdhirë
bëhet shok e më jep dorë.
Dhe hyn në eksplorim
në shtigjet që s'i rraha
energjik
i saktë
hipnotik,
e gjahun ma shtrin ne tokë jo fjala ime
por sulmi i tij narkotik.

...Është dhe i pasoj e i përdalë
se s'bën dallim në miq e armiq,
mi anonçon gjithë gjëndjet shpirtërore
e më lë lakuriq.

Jep e merr,tregtohet, ujdiset,
jep e merr, në hell duhet vënë
ky syri im si bark xixëllonje
e besëpakë
si nata pa hënë.