Unë lutem
atëherë kur kam nevojë
e sot me nevoja jam deri në fyt,
por zotin tim ia shita një të mbyturi
dhe i mbyturi të mbyt.
E tash
kokëulur vij
të lyp zotin tuaj
le të jetë i vogël si kodra ndanë malit,
le t’mos jetë i vlertë
le të jetë dhe i sajuar,
sikur faksimilja kundrejt origjinalit.

Dhe në mos ma dhënçi
kam për ta bërë vetë
mbi eshtra falimentesh
q s’më qenë pak në jetë.

Lexo/Shkruaj Komente (0)

Printo

Dergoje

Top

---