Nuk janë pika shiu
Pika për rendin e ditës janë

Për hapje
Me një ulje të kokës
Pikat i gëlltisim
Si kafenë e mëngjesit

Shija është e pandërrueshme
Vërejtjet mungojnë

Kafenë secili e ka pirë në shtëpi
Këtu vetëm ekspresin
E pi me një hërpamë

Më shumë s’ kërkohet
Shkaku i tensionit

Në vazhdim
Del sheshit mungesa e kondicionit
Terreni mbetet i pashkelur

Pikëpyetje të shumta ngrihen

A janë rrethuar fushat e minuara
Udhëkryqet me prita
A janë ndaluar ngrëniet e njëri-tjetrit

Analizat mungojnë
Komente nuk ka

Dalim jashtë
Fytngulfatur
Me gjuhë të thara

Pa zë
Ikim  tej vetëvetes
Nëpër dhëmbët e të tjerëve
Ngelim