Hyre ku s’dilet e dole tek s’hyhet
Ku të të gjej tash he burrë

Ajo udhë e paudhë
As kokë as këmbë ka

Vetëm në memorien e popullit rron

Mos ti ngacmove veteen
Për t’u bërë një urtësi e re

Tash ku të të kërkoj
Në cilën shtëpi
A në cilën fytyrë Janusi

Fajalët e urta nxirren rrallë
E nuk shkruhen në ballë

Leximit në sy a t’i besoj më

T’i më le vetëm e hero nuk u bëre
Së paku për një këngë
Sharkitë as në muze gjejnë vend
Na i hëngrën veshtëë rivalët e trilltë

Tregomë ku i le eshtrat
Sa për një grusht dhe
E një përkujtesë të vjetër

Mos hyn ku s’dilet se del tek s’hyhet
Fjala e urtë nuk thyhet

Aty ku s'jam unë

aroma e zërit tënd
s' di në cilën valë
ka ngelur

ajo ngrohtësi epshore
tashmë ka tretur

vetëm ëndrra
tek unë
ende të kthen

ajo që shijuam dikur
është mbyllur
në një kujtim

Aty ku s' jam unë
malli çmendurisht
brafullon

si lumë vërshon

(18 shkurt 2005)