Hej 
ti je rob lufte
Tash ke kohë
Të shkruash
vargje për lirinë

Kujtesa jote
e lashtë
Mban mend
Motin e Madh
Mollën e Kuqe
Ajrin e ZI

Ti je kujtesa
E gjallë e skllavërisë

Shfrytëzoje burgun
Mbase kurrë
Nuk do të kesh rast
Për të qenë i lirë
As për të rënë prapë në burg

Mësoje  mirë
Shijen e dritës
Drejtpeshimin e vdekjes
Edhe nëse gjithçka është e ftohtë
E palëvishme
Mos e ul kokën
Mos u ligshto

Ihhhh

Harrova të të pyes
Si duket atdheu nëpër pavione?

A  ka të shkruara  mbi WC
grafite  për lirinë
Liria është si ajo
ëndrra jote e keqe
Halilo