(Vëllait)

Shabi
falëmnderit
Që ma bërë 
të përkryer
Dhembjen 
 
Asgjë nuk kam bërë për Ty

Jam fajtor
Vetëm të mjerët janë të pafajshëm
Oh sa më dhemb ky faj
Që nuk e di
Që nuk e bëra
Por është faj
Faj i rëndë
Sa të gjitha dhembjet e tjera
 
E di
Ka qenë e pabesë ajo kohë
përbuzëse
për njerëzit
e ndieshëm
Si Ti

Por kurrësesi litarit
S'është dashur t'i besosh
 
Tash
Me litar
po i lidh
Muret e dhembjes
Barin e qyqes
Pranverat  e bjeshkës

Shabi
bre burrë
Tepër
I besove
litarit