Një mik të vjetër takova një ditë,
Dhe folëm për gjëra, që gati i harruam.
Folëm dhe për të sotmen, që mezi e kemi prit,
Për lirinë, që aq kohë e kishim ëndërruar.

Për kartën e Helsinkit dhe lirinë e shtypit,
Për udhëtimet në botë qoftë dhe pa viza,
Për vila luksoze madje në Tendën e Qypit,
Për biznes dhe politikanë, që kurrë s’u prishet gjiza.

Ç’të mira tha ai ka në dorë Perëndia,
Pa kursim na i dhuroi si rradhë në vënd tjetër.
Por me potencën që ka në dorë njerzia,
Veç vjedhje dhe vrasje si në shekuj të vjetër.

Göteborg, 26 Janar 2003