Unë
bashkë me poetin
vramë muzgjet e qytetit
nga dritaret e pluhurosura
të kafe "Colosseum"

bashkë me poetin
ndamë kujtimet
e dy kohërave të largëta
që këtij qyteti
ia humbën muzgjet e bardha

unë e poeti
mbetëm shkrimtarë rrugësh
(por jo rrugaçë)
shkrimtarë malli
shkrimtarë halli

mbetëm
duke shikuar dashnoret
që i deshëm dikur
(ndoshta që nuk na deshën!)
ditëve me acar
ditëve me behar
në qytetin që çdo stinë
e shpik nga një përrallë…

Lexo/Shkruaj Komente (0)

Printo

Dergoje

Top

---