Azem Hajdarit

sa shumë do të doja
t’i duartrokisja Ditës së Madhe
me hovin e përpjekjeve dhe mallit
që më është mbledhur
t’i jepja shtytje

sa shumë do të doja
ta prekja me këtë përkushtim
e në ballë t’i shohë
ecjet e mia
a kanë bërë çerdhen e fëmijëve

sa shumë
sa shumë do të doja
qoftë edhe nga varri
të shihja a dëgjoja
ardhjen e Ditës
e pastaj i qetë të udhëtoj amshimit
me anijen e gërvishtur timen
të ndërtuar çdoditshëm
në këtë jetë

Trebosh, 12.IX.1998