Pikëza uji
trokasin këmbët mbi
sipërfaqen e ftohtë
si rënie të ngrira daulleje
të një xhazi të varfër.

Në një vaskë me ujë
dy qirinj në formë gjetheje
lundrojnë mbi petale trëndafili -
varka të zbrazura puthin
horizontin e kuq.

Nën ujë
një rrymë kujtimesh
luan melodi të heshtura
mbi telat e butë
të gishtërinjve të vyshkur

Djersa kafshon lehtë gjinjtë kumbull,
prekja është fantazmë e dëshirës.

Vetëm, peshk i rrudhur.

Shkëputur nga libri ‘’Harta e verbër’’
© Autorja. Nuk lejohet ribotimi pa lejen e autores.