Qielli sonte është krejt i
ndryshëm nga çdo hipotezë
Mund të jetë me shi me borë
me akull me bilbila që
ngatërrojnë kohën kordat e instrumentit
u gjendën në një valë
që e përshkonte diçka misterioze
Lehën ca qen pa shkak dhe
një i çmendur në majë të
minares tha një profeci që
askush s'e dëgjoi. Koha
është plot valvola që nga
presione të panjohur po
hapen. Qiejt tani
janë krejt si ëndrra
të gatshëm për çdo
takim me të ardhmen

10.8.04